Kohima, ïaïong:
U Deputy Commissioner jong ka Kohima u la ong ba kiba bun ki thaiñ kiba hap hapoh ka Kohima distrik ki la shah ithuh kum ki jaka ba la shah ktah bad kiba la shah khmih bniah namar ka jingshah ktah ha ka jingpang African Swine Fever (ASF). Ka jaka kaba la shah ktah ka dei ka shnong Kidima bad ki jaka ba don ha ka jingjngai kaba 1km marjan jong ka bad ïa ka jingkhmih bniah la pynlong sha ki jaka kiba jngai da 10 km, kaba kynthup ha ka jingjngai kaba 9 km shabar ka jaka ba la shah ktah ha ka jngpang.
Ki jingpyntreikam pyrkhing ha kine ki jaka kin sa treikam haduh ban da pynbna da kumwei pat. Kum shi bynta ban bud ïa ki kyndon ba la buh, la khang ban ot doh ïa ki sniang bad kumjuh ruh ban wan kit na kiwei ki jaka ne leit kit sha kiwei pat ki jaka.
Baroh ki nongot doh, ki nongri sniang bad ki thaiñ kiba shah kynthup hapoh ka jngkhmih jong ka Kohima ki la shah bthah ba ki la dei ban bud ïa ki kyndon ba la buh bad pyntreikam pyrkhing khnang ban lah ban tehlakam ïa ka jingpang kham kloi katba lah.
