Shillong, Ïaïong 28
Ka Upper Shillong Sports Social & Cultural Association (USSSCA) kan pynlong ïa ka 14th AS Khongphai Memorial Under-15 Football Tournament ka ban sdang ha ka taïew ba ar u Jymmang ha madan kynjat bol ha Nongumlong.
Ha ka kyrwoh khubor na u General Secretary ka Association Bah R Nong neng la ong ba ki kynhun ba kwah ïashim bynta ha ka lympung ki lah ban phone ha kine ki number, kata 9436358898/8837074623 bad 8802223441.
La pyntip ba ka bai rung ïashim bynta ha ka lympung ka long T.2,000 kawei ka kynhun bad ka tarik khatduh ban pynpoi ïa ki form ka long 2 tarik Jymmang, 2024.
Shuh shuh la pyntip ruh ba ha kane ka lympung yn shah tang ïa ki kynhun na ka thaiñ Upper Shillong bad ka screening ïa ki khynnah la buh ban pynlong ha ka 4 tarik Jymmang, 2024.
