Imphal, Ïaïong 28 (UNI)
Ka Election Commission jong ka Ri India (ECI) ka la ai hukum ban pynlong biang ïa ka jingthep ‘vote’ ha ki hynriew tylli ki Polling Station ha ka 30 tarik Ïaïong, bad kine ki jaka ki dei kiba hap ha ki lai tylli ki konstitwensi Assembly hapoh ka Outer Manipur Parliamentary Constituency.
Ka jingthep ‘vote’ ha kitei ki jaka ka la dep long ha ka Sngi Thohdieng, hynrei na ka liang ka seng Congress ka la dawa ba dei ban pynlong biang ïa ka jingthep ‘vote’ ha ki 19 tylli ki Polling Station namar ki nongtrei jong ka, ki la shah byrngem ha ki ‘riew kieng atiar. La ong ruh ba ha ka Sngi Thohdieng ka la don ka jingleh tuh, jingthep ‘vote’ tuh, jingpynpra ïa ki kor thep ‘vote (EVM). Ka jingthep ‘vote’ ha ka 30 tarik Ïaïong ha kitei ki hynriew tylli ki Polling Station kan long naduh 7 baje mynstep haduh 4 baje janmiet.
