Shillong, Ïaïong 29
Ka Shillong Cricket Association (SCA) kan sdang noh ïa ka lympung ïalehkai kriket na bynta ki skul kiba don ha kane ka nongbah ba la tip kum ka Under-18 Inter School Cricket Tournament naduh 6 tarik Jymmang.
Ha kane ka lympung ki don haduh 16 tylli ki kynhun ki ban ïashim bynta kaba la phiah ha saw tylli ki group. Ha ka Group-A ki kynthup ïa ka St Anthony’s, Arya V SS, Madras H. Islam LP UP School bad ka St. Xavier’s School. Ha ka Group-B ki long ka Laban Bengalee Boys, Gorkha PHS School, R.B Anupchand HSS bad ka The Shillong SS. Ha ka Group-C ki long ka B.K Bajoria, K.V Happy Valley, Ruprekha Parishad SS bad ka St. Edmund’s. Ha ka Group-D ki long ka Jail Road Boys HSS, K.V Upper Shillong, St Nanak SS bad ka St George HSS.
Ki kynhun ki ban ïakhun ha katei ka sngi sdang kin long hapdeng ka Laban Bengalee Boys pyrshah ïa ka Gorkha PHS School.
