Shillong, Ïaïong 29
Ka District Council Court, Khasi Hills, Shillong ka la ai jamin (interim pre arrest bail) ïa uwei u samla uba la shah kynnoh donkti leh be-ijot ïa kawei ka samla kynthei.
Ka hukum na ka ïingbishar ka ong ba la ai jamin ïa u nongmudui haba ïadei bad ka mukotduma ha thanat Rynjah – P.S. Case No. 47 (4) of 2024 bad lada jia ba u nongmudui u shah kem ha ki pulit haba ïadei bad kane ka mukotduma, dei ban pyllait noh ïa u halor ka jingïoh jamin.
Hynrei la bthah ïa u nongmudui ban bud ïa ki jingbuh kyndon ha kaba um dei ban phet rieh, pynjulor ne tuklar bad ka jingtohkit, hynrei u dei ban ïasnohktilang bad ka jingtohkit.
Ha kajuh ka por, la bthah ruh ïa u nongmudui ban leit mih hakhmat u I/O mar sien ïoh ïa kane ka hukum.
Katba, la bthah ïa u Officer-in-Charge ka thanat Rynjah ban pynbiang ïa ka kopi jong ka C/D hakhmat kane ka ïingbishar, haba ïadei bad ka mukotduma ha thanat Rynjah Case No. 47 (4) 2024.
Ïa ka tarik ban pynbiang ïa ka kopi jong ka C/D bad ka tian bishar la buh ha ka 16/5/24.
