Ngi ki Khasi – Pnar kiba shong ba sah ha kine ki lum ba itynnad ka Bri u Hynñiewtrep ngi dei shisha ki rit paid ne ngi dei ki heh paid ? Namar kat kum kato ka jing-rwai ba ong, Khynriam u Pnar, u Bhoi, u War u dei u paid Khasi baïar. Haba ong ki paid Khasi baïar, nga shim ba ngim dei ki rit paid ngi dei ki heh paid keiñ ne phi ong kam dei kumta. Ha nga, nga shim ba ngi ki Khasi – Pnar ngi dei ki heh paid ym ba ngi long rit paid hangne hapoh ka Jylla jong ngi. Haba ong paid ka mut dei ban don tang khyndiat eh ne katto katne ki longïing longsem bad ki briew kiba shong ba sah hapoh ka Jylla. Hynrei haba phai ha ka imlang ka sahlang na Mihngi sha Sepngi, shatei bad shathie ngi la dei ki heh paid ym shuh ki rit paid. Ka jaidbynriew Khasi mynta ka ïa heh paid ym dei shuh kaba rit paid.Katne ka jingbun u Khasi ngi dang ong ba ngi dei ki rit paid ym sngew lah ngeit ban shu pynhap ha ka thup rit paid. Ngi la dei ki heh paid keiñ. Nai pynïakhleh lang bad ki jaidbynriew kiba shong basah ha kiwei ki Jylla ka ri bad ki khyndew bah ka pyrthei.
C. B. Iawphniaw
