Shillong, Ïaïong 30
Ka lympung ïalehkai Super Division Cricket League ba la pynïaid da ka Shillong Cricket Association ka la nangjam shaphrang ha kaba ka Royal CC ka la jop ïa ka Rangkynsai CC da 7 wiket.
Ha kane ka jingïakhun kaba la long ha ka Sngi Ba-ar ha madan ïalehkai kriket ha Polo, ka Royal kaba la jop ïa ka kynting pisa ka la ailad shwa ïa ka Rangkynsai ban tied nyngkong ha kaba ka la kamai 135 run bad shah pynhap 10 wiket ha ki 36.5 over. U Ajay Duhan u la tied 48 run na ki 64 bol bad u Romel Suchiang u la ïoh 27 run ha ki 45 bol. Katba u Khalid Ahmad u la khur 2 wiket bad ïa ka shi wiket la khur da u Arun Rai na ka bynta ka Royal.
Haba wan shimti ïa ka pali kaba ar, ka Royal ka la lah ban kynjoh sha ka thong ha kaba ka la kamai 141 run bad bad shah pynhap 3 wiket ha ki 20.5 over. U Nishanta u la ïoh ban khurwit ïa ka shiteng spah kaba 51 run ha ki 54 bol bad u Khalid Ahmad (Player of the Match ) u la ïoh 28 run na ki 35 bol. Katba u Chaman u la khur 1 wiket na ka bynta ka Royal.
