Aizawl, ïaïong:
Kum ka jingïohmad ïa ka jingjop kaba khraw ha kaba ïadei bad ka jingïakhun pyrshah ïa ki kam khaïi drok, ki shipai ka tnat Assam Rifles, ha ryngkat ka jingïatreilang ka kynhun Special Narcotics Police Station, CID (Crime), Aizawl, Mizoram ki la ïoh ban kurup ïa kumba 20000 tylli ki dawai kuli Methamphetamine ha General Area Mualpuikawn, kaba ha Salem Veng K-Section jong ka Aizawl bad kem ruh ïa uwei u briew ha ka sngi Saitjaiñ jong ka taïew ba la lah.
Kumba la antad la ong ba u kuli Methamphetamine ba la ïoh ban kurup u don ïa ka jingkhia kaba 1.908 kg, ha ka dor T. 6,66,60,000. Ïa kine ki drok ba la ïoh ban kurup bad ïa u briew uba la shahkem la aiti sha ka Special Narcotics Police Station, CID (Crime), Mizoram, Aizawl ha kajuh ka sngi na ka bynta ban bteng ïa ka jingtohkit.
Ka jingjyllei jong ki jingsniew ha kaba ïadei bad ki kam khaïi drok ka la long ka mat ba la dei ban shimkhia halor ka jingthmu ban lah ban pynduh pyndam ïa ki. Ki pulit ha ryngkat ka jingïatreilang bad ki shipai, ki dang trei shitom mynta ban lah ban kem ïa ki runar kiba la don bynta ha ki kam khaïi drok ha Mizoram.
