Shillong, Ïaïong 30
Ha kawei ka jingjia pluh, kawei ka khlaw kaba don ha Golflink, Shillong ka la kem ding bad pluh kynsan ha ka shiteng sngi jong ka 29 tarik u Ïaïong.
Haba ïohi ïa katei ka ding kaba la klang kaba don hajan ka ktem ki pulit CRPF, na ka liang ki pulit CRPF mar-mar ki la mih napoh ka ktem ban pynlip noh ïa katei ka ding kaba la klang da kaba ki la sei ïa ki kali pynlip ding jong ki khnang ban lah tem noh ïa ka ding ba kan pur sa sha kiwei pat bynta jong katei ka khlaw bad sha ki ïing ki sem jong ki briew kiba don markhap bad katei ka khlaw.
Kat haduh ba thoh ïa kane ka khubor ka daw kaba la pynlong ïa katei ka khlaw ban kem ding bad pluh ym pat tip satia.
