Kohima, ïaïong:
Ki shipai ka Assam Rifles ha ka Lah Sngi U Blei ki la kem ïa uwei u briew bad kurup ruh ïa kiba bun ki tiar siat bad kuli bad kiwei pat ki tiar hiar thma hajan khappud India-Myanmar ha Mon distrik ha Nagaland. Ïa kine ki tiar siat la ïoh ban kurup hadien ka jingpyntreikam jong ki shipai ka tnat Assam Rifles.
Ha ka por ba ka la don ka jingleit pahara kaba la long ha ka por mynstep, la ïoh ban kurup ïa 11 tylli ki 81mm mortar tubes, 10 tylli ki pistol, 198 tylli ki Hand-held Radio Set, kawei ka Satellite Phone, kawei ka Kenbo bike, kawei ka Bolero bad kiwei pat ki tiar hiar thma.
Kane ka jingïoh ban kurup ïa kine ki tiar siat ka la long ka jingjop kaba khraw kum shi bynta jong ka jingpyntreikam ha ka jingpyntreikam pyrkhing ha ki bynta khappud kaba dang ïaid shakhmat mynta ïa kaba la don bynta da ki shipai ka tnat Assam Rifles. Kane ka jingïoh ban kurup ka la long ruh shi bynta ka jingpyntroiñ ïa ka jingthmu jong ki riewshim kabu ban pynduh ïa ka shongsuk-shongsaiñ ha ka jylla.
Ïa une u briew uba la shahkem bad ïa ki tiar siat ba la ïoh ban kurup la aiti noh sha ki pulit jong ka Nagaland. Ki shipai Assam Rifle ki dang ïai bteng ha ka ban pynkhlaiñ ïa ka jingpyntreikam halor ka jingthmu ban ïakhun pyrshah ïa ki bor ba nabar khamtam kiba buh jingma bad pynduh ïa ka shongsuk-shongsaiñ hapoh ka thaiñ.
