Shillong, Ïaïong 30
U District Magistrate ka East Khasi Hills, u S.C. Sadhu, IAS, u la khang pyrshah ïa ka jingthang phlang, dieng ha ki jaka khlaw bad jaka phlang, kper, jaka rep, ki dew shrah bad ka jingthang khlaw hapoh East Khasi Hills.
Ïa kane ka hukum hapoh ka kyndon 144 jong ka CrPC la pynmih ha ka Lah Sngi U Blei.
Kumba ka long, la ïoh jingtip halor kiba bun ki jingjia thang phlang bad khlaw ha ki bynta bapher-bapher jong ka distrik.
Ka jingthang ïa ki khlaw ka ktah shi kat dei ïa ka mariang, ha kawei ka liang kaba ïalam sha ka jingjaboh ka lyer, jingjulor ha ki jingthung-jingtep, jingrben ki khlaw ki btap bad buh jingma khamtam ïa ka jingim briew bad ki jingdon-jingem, la ong katei ka hukum.
