Jowai, Jymmang 01
Ka Ummulong Cricket Club ka la rung sha ka final jong ka lympung ïalehkai District Cricket League 2024 ba la pynïaid da ka West Jaiñtia Hills Cricket Association (WJHCA).
Kane ka la wan hadien ba ka la lah ban pynliem noh ïa ka Phramer Cricket Club da 230 run ha ka jingïakhun semi final kaba nyngkong kaba la long ha ka sngi Balang ha madan Khliehtyrshi Mini Stadium.
Ïa ka jingting pisa la jop da ka Ummulong ha kaba ka la kam trai ban tied nyngkong bad kamai 326 run na ka 35 over hadien ba ka shah pynhap 6 wiket. U Sylvester Mylliempdah ula tied 88 run na ki 63 bol bad u Chongtre I man Lamare u la ïoh 45 run na ki 30 bol. Kattba na ka liang ka Phramer u Deimiki Rabon u la shim 2 wiket ha ki 7 over.
Haba wan beh ïa ka thong ka Phramer ka la lah ban tied tang 96 run ha ka 19 over bad shah pynhap baroh ki nongtied. U Pyrkhat Sari u la tied 38 run na ki 37 bol. Katba u Pynskhem Phawa na ka Ummulong ula shim 4 wiket ha ki 3 over. Ïa ka nam ‘Match of the Match’ la khur da u Sylvester Mylliempdah jong ka Ummulong Cricket Club.
Ka jingïakhun semi final kaba ar kan long ha ka sngi Palei hapdeng ka Mupliang Cricket Club pyrshah ïa ka Efty United XI Mynso.
