New Delhi, Jymmang:
Ki heh nongïalam ka Congress na Delhi bad Aam Aadmi Party (AAP) ki la ïakynduhlang ha ka Sngi Ba-ar na ka bynta ban ïalumlang halor ka jingthmu ban pynlong ïa ka jingïalang paidbah na ka bynta ka ilekson Lok Sabha.
Kane ka jingïakynduhlang ka pyni ïa ka jingïatreilang hapoh ka kynhun synrop INDIA, kum shi bynta ban peit jngai halor ka jingïakhun ïa ka ilekshon ha baroh ar tylli nongbah (Delhi bad Haryana).
Kane ka jingïakynduhlang kan long shi bynta ban nang pynkhlaiñ shuh shuh ha kaba ïadei bad ka jingïalap ilekshon na ka bynta ki kyrtong jong ki.
Ki nongïalam ba pawkhmat kum u General Secretary jong ka AICC u Deepak Babaria, ki nongkhmih jong ka seng na ka bynta ka Delhi bad ka Haryana, ha ryngkat u General Secretary of Organisation jong ka seng AAP u Sandeep Pathak, bad u President ba shipor uba dang shah thung thymmai jong ka seng Congress ha Delhi, u Devender Yadav, ki la don bynta ban ai jingmut ha ka jingïakynduhlang.
