Guwahati, Jymmang:
U Myntri Rangbah jong ka jylla Assam u Himanta Biswa Sarma u la trei shitom na ka bynta ban khring ïa ka vote na ki kynhun ritpaid ha ka por ba la don ki jingïalap ilekshon na ka bynta ka bynta kaba lai jong ka ilekshon Lok Sabha ka ban sdang ha ka 7 tarik, Jymmang, u la don bynta ha ka jingïalang paidbah kaba la pynlong ha ka jaka ba shong shnong ki Muslim ha ka thaiñ Sontoli kaba hap hapoh ka Chamaria LAC ha Kamrup distrik jong ka Assam.
Ha kane ka jingïalang paidbah u la kular ban kyntiew ïa ki projek ki ban khring ïa ki nongthep vote. Ha ka por ba u la ai jingkren, u Sarma u la pynpaw ïa ka jingsngew jong u halor ka jingthrang ban ïoh jingkyrshan na ki kynhun ritpaid ha kaba u la ïai ban da kaba ong, “Ki kynhun ritpaid ki dang sdang ban ai jingkyrshan ïa ngi. Ha ki por ban sa wan, ngi la khmih lynti ba ngin sa nang ïoh jingkyrshan na ki.”
Ïa ka ‘Vijay Sankalpa Rally (Victory Resolution Rally)’ la pynlong ha madan jong ka Sonatali Higher Secondary School ha kaba la leit ban ïashim bynta lajan 10,000 ngut ki briew.
