Shillong, Jymmang 02
Ka Rangkynsai CC ka la pynliem noh ïa ka United Xl da 7 wiket ha ka lympung ïalehkai Super Division Cricket League 2024 ha ka Sngi Palei ha madan Polo.
Ha kane ka jingïa-khun ka Rangkynsai kaba la jop ïa kynting pisa, ka la ailad shwa ïa ka United Xl ba kan tied nyngkong ban kamai 144 run bad shah pynhap 10 wiket ha ki 39.2 over. U Rohit Shah u la tied 35 run na ki 42 bol bad u Navin Kumar Ray u la ïoh 23 run na ki 48 bol. Katba u Ajay Duhan u la shim 3 wiket bad 2 wiket da u Chengkam Sangma.
Haba wan shimti ïa ka pali kaba ar, ka Rangkynsai ka la lah ban kynjoh sha ka thong da kaba kamai 148 run bad shah pynhap 3 wiket ha ki 29.4 over. Kane ka la wan lyngba ka jingïalehkai bha u Mewada Shylla uba la ïoh ban khyrwit 87 run na ki 92 bol bad u Pynhun 22 run na ki 33 bol. Katba u Cham Cham Sangma bad u Navin Kumar Ray ki la shim mar shi wiket.
