Shillong, Jymmang 02
Ka jingshah thang jong ki kali sorkar ha kane ka nongbah ka la nang bteng namar ha ka miet Sngi Palei, sa kawei pat ka kali sorkar ka la ing na ka jingshah kawang da u ‘Petrol Bomb’.
Kane ka kali sorkar ka dei kaba don ïa u nombor ML01 A 0175 kaba la pynïeng hakhmat ka shlem treikam jong u Chief Engineer ka tnat Water Resources ha Shillong. Kane ka kali kaba la ing ka dei ka Mahindra Bolero.
Hadien ba kane ka kali ka la kem ding, na ka liang ki kali pynlip ding mar-mar ki la wan ban tem noh ïa ka ding.
Na ka liang ki pulit ki dang pynlong ïa ka jingtohkit ban lap ksai ïa ki briew kiba donkti ha katei ka jingjia.
