Shillong, Jymmang 02
Ka khubor na ki pulit ha ka Sngi Palei ka ïathuh ba uwei u nongshong shnong ka Shillong u la ujor ba ha ka 24 tarik Ïaïong, 2024, u la ïoh ïa kawei ka ‘phone call’ na u briew uba um ithuh, bad hadien, uta u briew u la thok pisa ïa u kaba la kot sha ka T.21 lak.
Sa ha kawei pat ka jingjia, uwei u nongshong shnong ka Shillong u la ujor ba ha ka 10 tarik Ïaïong, 2024 ha ka por kumba 3:30 nohphai sngi, u la ïoh ïa kawei ka ‘Video Call’ lyngba ka WhatsApp, bad hadien kata, la suba ba ka ‘phone’ jong u, ka la shah ‘clone’ bad ha kajuh ka por, u la ïoh jingtip ba ka pisa T.46,566 ka la shah khate na ka ‘Bank Account’ jong u.
Nalorkata, ki pulit ki la pyntip ba u AEVP bad Branch Head ka Federal Bank Ltd., Shillong u la ujor ar ngut ki briew ba la tip kum u Akash Agarwal bad u Sahid Ahmed Choudhury, ki la shukor ïa ka Bank ha ka por ba ki la shim ïa ka ‘Gold Loan’ da kaba ai da ki ksiar thok.
Shuh shuh ki pulit ki la ïathuh ba u Andy Terence Mawïong u la ujor ba ha ka janmiet jong ka 29 tarik Ïaïong, 2024, ki runar ki la tuh ïa ki sainar bording ba shongdor kumba T.40,000 na kawei ka jaka ba u dang shna ha NEHU Campus, Shillong.
