Shillong, Jymmang 02
Ha ki saw na ki san sngi kiba la leit noh, ki pulit ka East Jaiñtia Hills ki la ïoh kurup ïa ki drok kiba shongdor haduh T. 10.6 klur, la ong u heh duh ki pulit ka jylla, u Dr. LR Bishnoi ha ka Sngi Palei.
Mynta ka sngi, ki pulit ka East Jaiñtia Hills ki la ïoh ban kurup drok ar sien. Ha ka sien banyngkong, ki la ïoh ban kurup ïa u drok Heroin ba shongdor kumba T.10 lak bad u dawai kuli Nitrazepam. Nalor ka jingïoh kurup, ki la ïoh kem ruh ïa uwei u snar ha ka kam khaïi drok.
Nalorkata, ha kane kajuh ka sngi, ki la ïoh ban kurup drok Heroin uba shongdor T. 1.1 klur bad ki la kem ïa lai ngut kiba suba donkti. Ha kajuh ka por, ki la kurup ruh ïa kawei ka kali.
Shuh shuh hynnin ka sngi, ki pulit ka East Jaiñtia Hills ki la kurup ïa ki drok ba shongdor T. 2.1 klur katba katto katne sngi mynshwa, ki la kurup drok Heroin ba shongdor T. 7.2 klur najan Ratacherra ha kaba ki la kurup ruh ïa kawei ka kali bad kem ïa uwei u nongkhaïi drok.
Na ka liang u Dr. Bishnoi u la ai jingïaroh ïa u SP bad ka kynhun Anti-Narcotics Task Force (ANTF) jong ka East Jaiñtia Hills halor katei ka jingïoh kurup drok ha ki saw sngi.
