Shillong, Jymmang:
Ka HDFC Life dang shen ka la pynbna ïa ka jingtreikam jong ka ha kaba ïadei bad ka jingïatehlok bad ka Peerless Financial Products Distribution Ltd. (PFPDL). Ka jingthmu jong kane ka jingïatehlok ka long ban nang pynkhlaiñ shuh shuh ïa ka jingtreikam bad ka jingdon jong ka HDFC Life’s, khamtam ha ki nongbah kiba don ha ka kyrdan ba 2 bad ba 3, da kaba shim kabu ïa ka jingdon jong ka PFPDL ha ki 42 tylli ki jaka. Ka PFPDL, kaba long ka shnat ba hapoh jong ka Peerless General Finance & Investment Co. Ltd (PGFI), ka sarong ïa ka jingdon jong ka ha ka thaiñ Mihngi ka India da ka jingdon jong ki 40 tylli ki shnat bad ka jingdon jong ki nongbuh pisa kiba ha ki bynta treikam bapher bapher. Lyngba kane ka jingïatehlok, ka PFPDL mynta kan jingtyrwa ïa ka HDFC Life’s life insurance, ban nang pynklaiñ shuh shuh ïa ka jingïada ïa ki nongbuh pisa ha kaba ïadei bad ka jingbuh pisa jong ki. Kane ka jingtreikam ka la wan ha ka por kaba kongsan bha ha kaba ka India ka mad ïa ka jingeh namar ka jingduna ha ka jingbuh jong ki briew ïa ka Life Insurance, kaba pynpaw ba donkam ban don ïa ka jingbuh pisa kaba shngaiñ hapdeng ki nongshong shnong.
U Satyaki Bhattacharya, Managing Director & CEO jong ka Peerless Financial Products Distribution Ltd., u la pynpaw ka jingsngewkmen halor kane ka jingïatehlok, da kaba ban jur halor ka jingtrei ba radbah kumno ban pynlong ïa ki nongbuh pisa ba kin long kiba shngaiñ ha ka rukom buh pisa. U la pynpaw ruh ïa ka jingïatreilang hapdeng ka Peerless Group’s kaba long ka shnat kaba phai khmat bha sha ki nongbuh pisa bad ka HDFC Life’s, ha kaba ka la ïohi jngai ba yn lah ban pyniar ïa ki shnat treikam bad kaba lah ruh ban poi shaduh palat jong ki nongbah kiba ha ka kyrdan ba 2.
U Suresh Badami, Deputy Managing Director of HDFC Life, u la ban biang ïa ka jingkren jong u Bhattacharya, da kaba ong ba kane ka jingïatehlok ka long u mawjam ba kongsan ban pynurlong ïa ka jingangnud jong ka India kata ka ‘Insurance for All’ ne ka ‘Jingbuh Insurance da baroh’ kat ha ka snem 2047. U la ban ruh ruh ba ka jingtreikam ba kongsan jong ka HDFC Life bad ka jingshakri ban wanrah ïa ki lad ki lynti kiba ïadei bad ka jingpynsuk ha ka rukom buh ïnsurance sha kito kiba buh pisa ïa ka PFPDL, bad kane kan nang pynkhlaiñ ïa ka jingïatehlok.
Ha ka snem mang tyngka 2024, ka HDFC Life ka la ai jingïada ïa palat 66 Million ngut ki jingim briew, bad ka long ruh ka jingsarong ha kaba kumba 99.7% la lah ban pynbit pynbiang ïa ki Claim ne ka jingwankam ïa ka pisa. Da kane ka jingïatreilang, ka jingthmu jong ka kompani ka long ban nang pynkhlaiñ shuh shuh ïa ka jingtreikam jong ka ha ka thaiñ Mihngi bad kumjuh ruh ban pynïar ïa ka jingtreikam wat sha kiwei ki bynta jong ka ri.
