Shillong, Jymmang 02
Ka San Shnong Youth Welfare Organisation ka la pynhap pyrda noh ïa ka 3rd SSYWO Free Inter School Knock Out Football Tournament and School Sports Meet 2024 ha ka Sngi Ba-ar ha madan Sadew Marbaniang, Mylliem Block.
Ha kane ka jingïa-lehkai ki don palat 18 tylli ki skul kiba hap ha Mylliem Block bad Mawphlang Block kiba la wan ïashim bynta naduh ki kynthei bad shynrang.
Ha shwa ban sam ïa ki khusnam u Bah Lionel Nongkhlaw uba dei u General Secretary ka San Shnong Youth Wellfare Organisation u la ïoh ban kren kyntu kynpham ïa ki khynnah skul lada dei ïa kiba jop ne ïa kiba rem ruh.
