Bhubaneswar, Jymmang:
U Myntri Rangbah jong ka Odisha u Naveen Patnaik u la pynbna paidbah ïa ka spah kaba u don kaba ka la kot sha ka T. 71.07 klur, kaba ka la kiew da palat T. 7 klur ha ki san snem ba la leit, kumba la kdew shai ha ka jingpynshisha jong u kaba la phah sha ka Election Commission.
Une u heh nongïalam jong ka seng BJD u la pyntip ba u la don ïa ka spah kaba T. 63.87 klur ha u snem 2019.
U Patnaik u la pynrung kyrteng na ka bynta ka Hinjili Assembly konstitwensi na ka bynta ban ïoh ïaleh ilekshon ha ka sien kaba hynriew ha ryngkat ki kot pynsakhi bad pynshisha ha kaba u la kdew shai da kaba ong ba ki jingdon jingem jong u kiba lah ban pynkhih ki la kot sha palat T. 14.05 klur bad ki jingdon jingeh ki bym lah ban pynkhih ki la kot sha ka T. 57.02 klur.
Ki jingdon jingem jong u kiba lah ban pynkhih ki kynthup ruh ïa kaba bun ka pisa ba la thep ha kiba bun tylli ki Bank bad ki Post Office, katba T. 13.66-klur ka dei ka Naveen Niwas kaba don ha Bhubaneswar bad T. 43.35 klur ka ïing ha APJ Abdul Kalam Road, New Delhi kine ki long shi bynta jong ki jingdon jingem ki bym lah ban pynkhih kiba u don.
U Naveen u la pynshisha ba kam shym la don kano kano ka jingkamai spah beaiñ ne kano kano ka kam sniew kaba long pyrshah ïa u.
