Jowai, Jymmang 02
Ka Efty United XI SC Mynso ka la rung sha ka Final ha ka District Cricket League kaba pynïaid da ka West Jaiñtia Hills District Cricket Association (WJHDCA).
Kane ka la wan hadien ba ka Efty United XI SC Mynso ka la pynliem da 2 wicket ïa ka Mupliang ha ka jingïakhun Semi-Final kaba la long madan Khliehtyrshi ha ka Sngi Palei. Da kane ka jingjop, ka Efty kan ïaknieh ïa ka nam lahduh bad ka Ummulong CC ha ka Final ka ban long ha ka 4 tarik Jymmang.
Ka Efty United XI SC Mynsoo kaba la jop ïa ka toss bad ka la kam trai ban bol bad na ka liang ka Mupliang CC kaba la tied shuwa ka la kamai 243/8 na ka 35 over. Ka Efty United XI SC Mynso haba beh ïa ka thong, ka la kamai 246/8 na ka 34 over kaba la biang pura ïa ka ban jop da 2 wicket.
U Riboklang Hynñiewta u la lah ban lam lynti ïa ka Efty ban khur ïa kane ka namjop ha kaba marwei u la kamai 83 run na ki 52 bol kaba la biang pura ïa u ban khur ïa ka nam “Man of the Match”.
Ki ar ngut ki nongtied ka Mupliang kiba la ïoh kham bun run ki kynthup ïa u Byforcestar Dhar 45 run na ki 29 bol, bad u Mewan Phawa 55 run na ki 60 bol.
U Byforcestar u la khyrwit ruh 2 wicket bad na ka liang u nongkawang bol ka Efty, u Carefully Gassah, u la khur 3 wicket bad u Kitbooklang Lyngdoh 2 wicket.
