Imphal, Jymmang:
Ka Manipur ka la ïaid shakhmat ha kaba ïadei bad ka jingshim ïa ka sienjam ba la ïakren halor ka mat jong ka jingwan rung beaiñ jong ki riewphet wir na Myanmar.
Ka bynta kaba nyngkong jong ka jingpynphai biang ïa ki sha ka jaka ba ki wan ka la dep, kane ka long shi bynta ban tehlakam ïa ka jingwan rung beaiñ ki bar ri ha ki bynta khappud bad ban pynkhlaiñ ïa ki lad bad ai jingshngaiñ ïa ka ri.
Kane ka jingpyntreikam ha kaba ïadei bad ka jingpynphai ïa kine ki poiwir ka la ïaid beit ïaid ryntih. Ki la don kumba 38 ngut ki poiwir kiba la mih na India da kaba jam sha ka bynta khappud jong ka Moreh.
U Myntri Rangbah jong ka Manipur u N Biren Singh u la dep ban phah shen ïa ka jingmaham halor kane. U la kren shai shaphang ka jingeh kaba lah ban mih na ka jingkha roi jong ki 996 tylli ki shnong bathymmai.
U Singh u la ong ba ka jingwan rung beaiñ jong ki phet wir na Myanmar ka la long ka daw na ka jingmih shuh shuh kine ki shnong.
