Chennai, Jymmang:
Ki nongshong shnong jong ki bynta ba shalor lum jong ka Vathalmalai kaba don ha Dharmapuri distrik ki la hap ban thied ïa ka um ha ki shnong kiba don ha ki jaka ba madan namar ka jingjur jong ka jingkyrduh um khamtam ha kane ka aïom.
Ki nongshong shong ki la hap ban thied ïa ka um na ki nongdie um bad la hap ban kit ïa ka kum da kumba 4000 liter ha ki Tractor da kaba siew T. 2,500 shi lynti. Ka Vathalamalai ka la long kawei na ki jaka lum kaba don ha Dharmapuri ha kaba kam shym don ïa ka Hogenakkal Drinking Water and Fluorosis Mitigation Project.
Ki nongshong shnong ki la hap ban shaniah ha kumba 12 tylli ki pung na ka bynta ban ïoh ïa ka umbam umdih. Ha kaba ïadei bad kane, ha ki snem ba la leit, na ka jingduna u slap ka la long ka daw ban pynrngat noh ïa ki tyllong um bad ki nongshong shnong ha kane ka jaka ki la hap ban ksam um noh khnang ban lah ban pyndap biang ïa ka um ha ki pung.
Hynrei na ka daw jong ka jingkthang ka um ba la pyndap ha ki pung, ki nongshong shnong ki la hap ban thied noh ïa ka um na ki jaka them khnang ban pyntikna ba kan ym don ka jingduna um bad ban ïoh ïa ka umbam umdih kaba khuid.
