Lucknow, Jymmang:
Ki la don baroh kumba 509 tylli ki Silencer jong ki kali arshaka Royal Enfield kiba la shah pynjulor noh ha Hapur kaba don ha Uttar Pradesh naba kine ki la pynmih palat ki jingsawa ha ka nongbah.
Ki pulit jong ka Hapur ki la pynlong ïa ka jingpyntreikam ba la tip kum ka Operation “Patakha” hapdeng u bnai Kyllalyngkot bad u Ïaïong. Ïa kine ki Silencer jong kine ki kali arshaka la ïoh ban kurp ha ki saw bnai ba la leit ha kaba kine ki la shah tylliat bad shah pynjulor noh hapoh ka jingtreikam jong ka Roller ha ka sngi Saitjaiñ.
Ki pulit ki la ai da kaba tyngeh pyrshah ïa ki nongñiah kali kiba buh da ki Silencer ha ki Royal Enfield bad pynkheiñ ïa ki kyndon da kaba pynmih palat ïa ki jingsawa. U Circle Officer, u Varun Mishra u la ong, “ïa ka “Operation ‘Patakha’ Campaign la pynlong ha Hapur naduh u Kyllalyngkot haduh u Ïaïong.
Ha kane ka jingpyntreikam, ki pulit ki la knieh noh ïa ki Silencer jong Royal Enfield naba kine ki la pynmih palat ïa ki jingsawa. Ki la don kumba 509 tylli ki Silencer ïa kiba la shah pynjulor da ka jingïarap jong ka Roller.”
