Imphal, Jymmang:
Uwei u nongïalam jong ka kynhun kieng aitiar kaba la shah ñiew beaiñ ka United Kuki National Army (UKNA) u la shah siat ïap ha la u jong u nongbud bad nongsynran ha Churachandpur kaba don ha Manipur.
Katkum ka kyrwoh khubor ba la ïohlum, la ong ba une u la long u dkhot jong ka kynhun kaba la kam ba ka la donkti ban thombor ïa ki kali kit umphniang ha ki bynta jong ka National Highway 37.
Ïa une ba la ïap la tip kyrteng kum u Thangminlal Haokip bad uba la tip ruh da ka kyrteng kum u Hunter bad u Tamin. Une u la don kumba 39 snem ka rta bad kumba la paw, la shem ba u dei u nongïalam jong kane ka kynhun UKNA.
Ha kaba ïadei bad kane ka jingjia, na ka liang ka kynhun kieng atiar kam pat kam ba ka la donkti ha ka ban pynïap ïa une u nongïalam.
