Shillong, Jymmang 06
Ka Rangdajied United FC ka long ba la khreh ban ïakhun pyrshah ïa ka Shillong Lajong FC ha ka semi final jong ka lympung ïalehkai Shillong Premier League 2023-24 ba la pynïaid da ka Shillong Sports Association.
Kane ka jingïakhun kan long ha ka por 3:15 janmiet ha SSA Stadium kaba ha First Ground, Polo.
Kumba ka paw ka Rangdajied ka la rah teng ïa ka nam lahduh ha ka Meghalaya State League, ka la long ka kynhun kaba la bat ïa ka kyrdan ba hakhlieh ha kane ka lympung ha kaba ka la kamai 18 point, katba ka Shillong Lajong ka la don ha ka kyrdan balai bad kamai 15 point.
Na ki hynñiew sien ïakhun, ka Rangdajied ka la jop hynriew sien bad shah rem tang shisien ha ka Langsning haduh 0-6 kol, katba ka Lajong ka la jop san sien bad shah rem ar sien.
Te kumta la khmih lynti ban kine ki kynhun kin ïakhun tyngeh na ka bynta ban ïaknieh ban ïoh rung sha ka final.
