Rafah, Jymmang:
Ki heh ka Hamas na ka nongbah Gaza ki la pyntip ba 5 ngut ki briew ki la khlad na ka jingther bom ka Israel sha ka thaiñ Shathie jong ka nongbah Gaza ha Rafah ha ka step Sngi Ba-ar.
Kane ka jia ruh hadien ba ka Israel ka la pynpaw ba kam treh ban pyndem ne pdiang ia ka jingiakren ïasuk hynrei ka la byrngem pynban ba kan pynum bad pynjulor ia ka Rafah baroh kawei. Shuwa ba kan leh ia kata, ka la rai ban pynkynriah noh shuwa ia ki paidbah nongshong shnong na Rafah khnang ba ka jingleit hiar thma jongka kan ym ktah ia ki paidbah hynrei kan long beit thik tang ia ki lehnoh Hamas kiba don ha katei ka nongbah.
Ka hospital Kuwaiti ha ka step Sngi Ba-ar, ka la pyntip ba 5 tylli ki metiap ki la wan poi sha katei ka jaka sumar lem bad katto-katne ngut kiba mynsaw hadien ka jingther bom shi miet- shi miet jong ka Israel sha katei ka bynta jong ka nongbah Gaza wat hapdeng ka jingmaham jong ki tnat bapher bapher ia ka Israel ba kam bit ban leit thombor sha katei ka bynta ba shong ki riew paidbah jong ka Gaza.
