Nongstoiñ, Jymmang 07
U Deputy Commissioner (DC) jong ka West Khasi Hills District Bah Garod LSN Dykes, IAS, u la pynthikna ba ki don haduh 5 tylli ki shnong bad 13 tylli ki longïing kiba la shah ktah na ka jingwan lynshop ka ‘erïong bad u phria.
U DC u la ong ba hadien ba la ïoh jingtip halor ki jingjia jong ka jingwan lynshop ka ‘erïong ryngkat u phria ha ki katto-katne ki bynta jong ka West Khasi Hills District ha ka 5 tarik u Jymmang 2024 kiba hap hapoh jong ka Nongstoiñ C&RD Block bad Mawshynrut C&RD Block, mar-mar la phah ïa ki kynhun ban lum jingkheiñ halor ki jingjulor na ka daw jong ka jinglynshop ka bor mariang bad la ïoh jingkheiñ ba hapoh Mawshynrut C&RD Block ki don haduh 13 tylli ki longïing na ki 5 tylli ki shnong kiba la shah ktah, katba hapoh Nongstoiñ C&RD Block pat ki la don 6 tylli ki shnong kiba la shah ktah.
Nalor nangta u la ong ruh ba na ka liang ki bor district ki la dep ruh ban sam ïa ki lad jingïarap pisa kiba long katkum ki kyndon jong ka SRDF sha kitei ki longïing kiba la shah ktah bad shah pynjulor da kaba phah sha ki bank account jong ki.
U la ïathuh ruh ba la ïoh ban sam mar-mar ïa ki tin sop ïing ne ki CGI sheets sha 13 tylli ki longïing kiba shah ktah jubor ha katei ka jingwan lynshop jong ka ‘erïong bad u phria.
