Jowai, Jymmang:
Ka risol jong ki khynnah ba ïaleh ïa ka eksamin ba la pynlong da ka Council for Indian School Certificate (ICSE) Board Examination jong ka Class 10 bad 12 la pynbna ha ka Lah Sngi U Blei ka 6 tarik Jymmang.
Ha sor Jowai katkum ka khubor, ka Jowai Public School ka la tyngshaiñ ha kaba ki khynnah kiba ïakhun ïa ka ICSE Examination 2024 kiba don 50 ngut bad ki la pass lut baroh.
Napdeng kine, 43 ngut ki khynnah dei kiba wan ha ka kyrdan 1st Division, 7 ngut kiba wan ha ka kyrdan 2nd Division bad bun ngut ki khynnah ki la ïoh distinction ha kiba bun tylli ki sobjek.
U Damebudki Garod u la ïoh 94.4% da kaba ïoh Distinction ha ka sobjek English, Khasi, HCG, Maths, Science, Computer. Ka Ila Badabet Shylla ka la ïoh 92% da kaba ïoh Distinction ha ka sobjek English, Khasi, HCG, Maths, Science bad Home Science.
U Chephar Dkhar u la ïoh 84.6%, u Chongtre Mi Daw 84.4%, ka Lamsaka Kyndiah 86%, ka Malita Kyndiah 84.8%, ka Natania Siangshai 82.4%, ka Phibasiewdor Syntem 83%, u Raikiru Lytan 81.6% bad ka Sipporah Suchiang 80%.
