Shillong, Jymmang 07
Hadien ka jingdawa na ka Hynñiewtrep Youths’ Council (HYC) ba ka sorkar ka dei ban leit jurip ïa ka jaka ha Lum Survey kaba don mar pyrshah bad ka Fire & Emergency Station ha Ïewduh bad kaba la buhai shnong bad shong beaiñ da ki bar jylla, bad kumta na liang ka Sorkar ka la pynbeit ban leit jurip ha ka Sngi Balang ka 8 tarik mynta u bnai.
Ka shlem treikam jong u Deputy Commissioner (DC) East Khasi Hills ka la pyntip ba kane ka jingleit jurip ïa katei ka jaka kan long ha ka 8 tarik mynta u bnai ha ka por 1 baje mynsngi.
Ha kane ka jingjurip, katkum ka shithi na ka shlem treikam u DC la dep ban phah bad pyntip sha u Superintendent of Police ka East Khasi Hills, sha u Defence Estate Officer, Guwahati, sha u Chief Executive Officer ka Shillong Cantonment Board, sha u Secretary ka Meghalaya Urban Development Authority bad sha u Chief Executive Officer ka Shillong Municipal Board ba kin ïadon lang ryngkat ha kane ka sngi.
Ïa kane ka jingpyntip la phah kopi ruh sha u Additional Deputy Commissioner kum ka jingpyntip lem bad sha u President bad General Secretary ka HYC Sengkmie ba kin leh ïa kaba donkam.
