Shillong, Jymmang 07
U coach kynjat bol ka kynhun ïalehkai ka ri u Igor Stimac ha ka sngi Ba-ar u la pynbna ïa ka thup kyrteng ba ar kaba don 15 ngut ki rangïalehkai na ka bynta ka prokram kilanmet ka ban long ha Bhubaneswar. Kane ka long shi bynta ban pynkhreh ïa ki ar tylli ki jingïalehkai jong ka FIFA World Cup 2026 (preliminary joint qualification round 2) pyrshah ïa ka Kuwait bad Qatar.
Ïa ka thup kaba nyngkong la pynbna ha ka sngi Saitjaiñ kaba kynthup ïa 26 ngut ki rangïalehkai ka ban sdang ïa ka prokram kilanmet ha katei ka nongbah Odisha ha ka 10 tarik mynta u bnai. Katei ka thup kaba ar ka kynthup ïa ki 15 ngut ki rangïalehkai kiba na ka Mumbai City FC bad Mohun Bagan SG, kiba la ïashim bynta ha ka jingïakhun final jong ka lympung ïalehkai ISL, ha kaba kin ïasoh lang ha ka 15 tarik mynta u bnai.
Te kumta haba kheiñ lang ki la don haduh 41 ngut ki rangïalehkai kiba la shah kynthup na ka bynta katei ka prokram kilanmet. Ka India kan ïakhun nyngkong eh pyrshah ïa ka Kuwait ha ka 6 tarik u Jylliew ha Kolkata ha shwa ba kan leit sha Qatar na ka bynta ka jingïakhun ka ban bud jong ka Group-A ka ban long ha ka 11 tarik u Jylliew.
Kumba ka long mynta ka India ka la don ha ka kyrdan ba-ar bad ka la kamai point na ki saw sien ïakhun. Ki ar tylli ki kynhun ki ban wan ha ka kyrdan ba-ar kin ïoh rung sha ka wat kaba lai (Round 3) jong ka FIFA World Cup Qualifiers bad ruh ban ïoh rung sha ka AFC Asian Cup Saudi Arabia 2027.
Ka thup jong ki 15 ngut ki rangïalehkai na ka bynta ka jingkilanmet ha Bhubaneswar naduh 15 tarik u Jymmang ki long:
Goalkeeper: Phurba Tempa Lachenpa & Vishal Kaith.
Defender: Akash Mishra, Anwar Ali, Mehtab Singh, Rahul Bheke & Subhasish Bose.
Midfielder: Anirudh Thapa, Deepak Tangri, Lalengmawia Ralte, Lallianzuala Chhangte, Liston Colaco & Sahal Abdul Samad.
Forward: Manvir Singh & Vikram Partap Singh
Ka thup jong ki 26 ngut ki rangïalehkai na ka bynta ka jingkilanmet ha Bhubaneswar naduh 10 u Jymmang ki long:
Goalkeeper: Amrinder Singh & Gurpreet Singh Sandhu.
Defender: Amey Ganesh Rana -wade, Jay Gupta, Lalchung-nunga, Muhammad Hammad, Narender, Nikhil Poojary & Roshan Singh Naorem.
Midfielder: Brandon Fernan-des, Edmund Lalrindika, Imran Khan, Isak Vanlalruatfela, Jeakson Singh Thounaojam, Mahesh Singh Naorem, Mohammad Yasir, Nandhakumar Sekar, Rahul Kannoly Praveen, Suresh Singh Wangjam & Vibin Mohanan.
Forward: David Lalhlan-sanga, Jithin Madathil Subran, Lalrinzuala, Parthib Sundar Gogoi, Rahim Ali & Sunil Chhetri.
