Essex, Jymmang:
Katkum ki khubor, la ong ba ki bor pyniaid ki la bat noh ia kawei ka briew hadien ba la suba ba kam shym la pynsngap ne shim khia haba iohi ia uwei u khynnah 5 snem uba don ia ka jingpang klongsnam katba ki dang don lang ha ka ‘Park’. Kane ka la jia ha ka por 1 baje nohphai sngi jong ka Sngi Palei mynshem taiew hapoh ka Legoland Windsor Resort.
Na ka liang ki bor pyniaid jong katei ka jaka ki la rah noh mar-mar ia utei u khynnah sha ka jaka sumar kaba jan tam khnang ban ioh ia ki jingsumar kiba kham kloi.
Katba katei ka briew kaba la don kumba 27 snem ka rta ha kaba ki bor pyniaid kim shym la pynpaw kyrteng, ka la shah kem noh namar ka jingbym patiaw ia ki dak jingshitom ba ka la iohi ha utei u khynnah shuwa ba un kem pang jur ha katei ka sngi.
Kumta, ki bor pyniaid ki la kitbok ruh ia ka iing ka sem jong utei u khynnah ba utei u khynnah un ioh noh ia ka jingpynkhiah ha ka por kaba biang bad un shait un khlaiñ noh wat la kim shym la lah ban iarap ia u ha ka por kaba biang ha katei ka jingjia namar ka jing bym patiaw bad jing bym kloi ban iarap jong katei ka briew kaba don ha katei ka jaka ha katei ka sngi.
La ong ruh ba ki pulit ki dang wad bniah ban lap ia ka daw jong ka jingkem pang utei u khynnah ha katei ka sngi ioh lehse ka don jingiadei eiei bad katei ka briew ka bym shym la iarap ia u wat haba u la kem pang ha katei ka por.
