Tura, Jymmang 07
Uwei u nongshong shnong ka Chachatgre na Williamnagar u la ujor pyrshah ïa uwei u SI ka Rongsak Police Outpost da kaba kynnoh ba u la bam pisa ha kaba ïadei bad kawei ka jingjia.
Ïa katei ka jingujor la phah sha u heh duh ki pulit ka jylla da u Clever T Sangma uba la ngat ha ka apot jong ka jingshah shoh shah dat.
Ha ka jingujor, u Sangma u la kam ba u la shah shoh ha uwei u briew uba la tip kyrteng kum u Terot T Sangma bad kiwei bad namarkata, u la ujor da ka FIR ha katei ka Police Outpost. Hynrei u la kynnoh ba wat la utei u pulit SI u la pan pisa na ka por sha ka por na u, u Sangma u la kynnoh ba utei u heh pulit u khlem leh eiei halor ka FIR kaba u la ai.
Namarkata, u Sangma u la dawa na u heh duh ki pulit ka jylla ban leh da kaba tyngeh pyrshah ïa utei u SI.
