Shillong, Jymmang 08
Ka Executive Committee jong ka All India Football Federation (AIFF) ka la mynjur ïa ka Prevention of Sexual Harassment (PoSH) Policy bad kane kan treikam naduh ka Sngi Balang khnang ban khanglad ïa ka jingshah thombor ki kynthei khynnah hapoh ki kynhun ïalehkai.
Kat kum ka PoSH Act 2013, ka PoSH policy jong ka AIFF ka don ïa ka thong ban wanrah ïa ka jingshngaiñ ha ka kam ïalehkai kynjatbol hapoh ka ri.
U Acting Secretary General ka AIFFu M. Satyanarayan u la ong, “Ka jingdonkam ïa ka PoSH ka long na ka bynta baroh ki nongtrei jong ka AIFF. Ngi hap ban pynkhreh ïa kane ban wanrah ïa ka rukom treikam kat kum ka PoSH Act of 2013 bad ïa kum kine ki rukom treikam la pyntreikam tang ha ki katto katne ki synjuk ïalehkai.”
“Ka PoSH policy ka jong ngi ka long ban pynwandur na ka bynta ban pynïaid beit shakhmat. Ngi la thmu ban wan wanrah sa ki ‘riew shemphang na ka bynta ban pyntreikam ïa kane ka PoSH policy. Kane kan long kaba ïarap bha khamtam ïa ki kynhun ialehkai jong ki khynnah bad ki kynthei,” u la bynrap.
