Jowai, Jymmang 10
Ka lympung ïalehkai badminton ki khynnah skul kaba tip kum ka 17th Inter School Badminton Tournament 2024 ba la pynlong da ka West Jaiñtia District Badminton Association (WJDBA) ka la poi noh sha ka kut ha ka sngi Thohdieng ha Indoor Hall jong ka Dorbar Shnong Chutwakhu kaba ha Jowai.
Ha kane ka lympung kaba saw sngi lynter la sdang ha ka 7 tarik da ka jingwan ïashim bynta jong 18 tylli ki skul bapher bapher jong ka District.
Ki jingïakhun baroh ha kane ka lympung ki long haduh 162 tylli kynthup naduh ka kyrdan Under-13, Under-15 bad Under 17 ha ka jingïakhun para marwei (Singles) bad mar arngut (doubles) kynthei bad shynrang.
Ka District Mission Coordinator, SSA West Jaiñtia Hills District, Kong Mumubai Lakiang ka la long kum ka kongsan ha ka jingdonlang u President ka WJDBA President D. Pyrbot, u Working President ka WJDSA, EMH Passah ki dkhot nongkitkam ka WJDBA nalor kiwei kiwei.
Ki risol jong ka final ki long, ha ka Under 13 Boy’s Single u Jayden Phyllei na KJP Hr. Sec School ula khur ïa ka nam jop hadien ba ula pynliem noh ïa u Tuleitre Kyndiah jong ka North Liberty Hr. Sec. School da 20-22, 21-16, bad 22-20. Katba na ka liang ki kynthei, ka Nihaka Lamare ka la pynliem ïa ka Wanduka Mary Passah da 4-21, 6-21 bad baroh arngut ki dei na St. Marys Mazzarello Girls Hr. Sec. School.
Ha ka Under-13 boys’ doubles, u Emmanuel Bando bad Mr. Rikerlang Lamare jong ka Adventist Hr. Sec. School ki la pynliem ïa u Ruddyson Sutnga bad Kordorlang Bareh na KJP Hr. Sec. School da 20-11 bad 20-7.
Ha ka Under-15 boys’ Single u Teidame Sungoh ula pynliem ïa u Ryumdiam Kyndiah da 21-12, 21-16 baroh ar ki dei na Jowai Public School. Katba na ka liang ki kynthei ka Nihaka Lamare jong ka St. Mary Maz-zarello Girls Higher Secondary School ka la pynliem ïa ka Daphika Ryngkhlem Jowai Public School da 21-13 bad 21-11.
Ha ka Under-15 Doubles u Stephen Wakambam Darnai bad u Thangpei Zimik jong ka Adventist Hr. Sec School ki la pynliem ïa u Riang Fermitre Bareh bad Nida O Laloo na Jowai Public School da 16-21, 19-21. Katba na ka liang ki kynthei ka Catherine Wakambam Daimari bad Rosangzuai Kawlni jong ka Adventist Higher Secondary School kila pynliem ïa ka Daphika Ryngkhlem bad Shida Phawa jong ka Jowai Public School da 13-21, 18-21.
Ha ka Under-17 boys’ singles u Hunbait S. Mannar ula pynliem ïa u Lechan Suchiang da 17-21, 15-21 bad baroh ar ki dei na Lummoroo Hr. Sec School, Shangpung. Katba na ka liang ki kynthei ka Dabiang Sakani Langdoh na North Liberty Hr. Sec School ka la pynliem da 19-21, 13-21 ïa ka Dana Angelika Phyllei na KJP Hr. Sec School.
Ha ka Under-17 boys doubles u Lechan Suchiang bad u Salonbhami Suchiang ki la pynliem ïa u Hunbait S. Mannar bad Dapmon Papang da 22-20, 19-21, 21-14 baroh ki dei na Lummoroo Hr. Sec School, Shangpung. Katba na ka liang ki kynthei ka Aureliana E Passah bad Dabiang Sakani Langdoh na North Liberty Hr. Sec. School ki la pynliem ïa ka Jestify Timung bad Teishwadaka Tyngkan na Kiang Nangbah Hr. Sec. School da 21-6, 21-9.
