Bhubaneswar, Jymmang:
Ki la don kumba 28 per cent ki kyrtong kiba la ïakhun ha Bhubaneswar Lok Sabha konstitwensi bad ha lai tylli ki Assembly konstitwensi jong ka nongbah kiba dei ki heh spah.
Na ka jingkhmih bniah ïa ki jingpynshisha jong ki kyrtong kiba la phah ïa ki kot pynrung kyrteng jong ki na ka bynta ka Bhubaneswar Parliamentary konstitwensi bad ka Bhubaneswar Central, North bad Ekamra – ki lai tylli ki Assembly konstitwensi jong ka nongbah ki la pyni ba ki la don kumba 16 ngut na ki 57 ngut ki kyrtong kiba la paw ba ki la long ki heh spah.
Napdeng jong ki, ki la don kumba saw ngut na ka seng BJD katba mar lai ngut na ka seng BJP bad Congress.
Nalor kane, lai ngut ki kyrtong heh spah ki dei kiba la ïakhun kum ki kyrtong shimet bad lai ngut kiwei pat ki heh spah ki dei na kiwei pat ki seng kiba kynthup na ka seng BSP bad Samrudhha Odisha.
Ki la don kumba saw ngut ki kyrtong heh spah kiba la ïakhun ha Bhubaneswar Lok Sabha konstitwensi katba 6 ngut ki kyrtong heh spah ki la ïakhun na Bhubaneswar Central Assembly konstitwensi.
Ha Bhubaneswar North bad Ekamra Assembly konstitwensi ki la don mar lai ngut ki kyrtong heh spah.
U MLA jong ka seng BJD bad u kyrtong jong ka Bhubaneswar North jong ka seng u Susant Kumar Rout u la long uba riewspah eh napdeng baroh ki kyrtong ki ban ïakhun na ki lai tylli ki Assembly konstitwensi jong ka nongbah bad kumjuh jong ka Bhubaneswar Lok Sabha konstitwendi, ha kaba baroh ka la long da `. 21.76 klur. U la long ruh u kyrtong uba riewspah tam ha North Assembly konstitwnsi jong ka nongbah.
U kyrtong jong ka seng BJP Central u Jagannath Pradhan u la long uba ar ha ka jingriewspah jong u ha kaba u la don ïa ka spah kaba `. 17.46 klur. U Pradhan u la long ruh uba riewspah tam ha Bhubaneswar Central Assembly konstitwensi.
Kumjuh u kyrtong jong ka seng BJP ha Ekamra Bhubaneswar u Babu Singh u la long balai ha ka jingriewspah nadpeng ki kyrtong ha kaba u la don ïa ka spah kaba ka kot sha ka `. 11.85 klur.
