Shillong, Jymmang 10
U Secretary ka Board of Control for Cricket in India (BCCI) u Jay Shah u la pynthikna ba shen yn sa pyllait ïa ka jingpynbna na ka bynta ban wanrah ïa u coach bathymmai na ka bynta ka kynhun ïalehkai ka ri.
U Rahul Dravid, uba la shimti kum u coach ka kynhun ïalehkai ka ri naduh u Naiwieng jong u snem 2021 bad la shu pynjlan ïa ka kontrak jong hadien ba la kut ka ODI World Cup 2023. Hynrei kane kan long kaba ïahap ban shu pynjlan ïa ka kontrak jong u Dravid, te kumta na ka liang ka BCCI shen kan sa pynkhreh ban ai ka jingpynbna na ka bynta u coach uba thymmai.
Kumba ka long mynta ka kontrak u Dravid bad ka BCCI kan kut ha u Jylliew mynta u snem, ha kaba ka kynhun ïalehkai ka ri kan pynkhreh ban ïashim bynta ha ka T20 World Cup.
U Dravid u la soi ïa ka kontrak ban pynjla kum u coach ka kynhun ïalehkai ka ri, ryngkat ki nongiarap jong u, ha u Naiwieng jong u snem 2023. Hynrei kane ka kontrak kan kut ha u Jylliew.
U Jay Shah u la pynthikna ba u Dravid u lah ban aplai ïa kane ka kam lada u kwah, hynrei ym lah ban pynthikna ba u dangïai bteng ïa kane ka kam.
“Ka samoi treikam u Rahul kankut ha u Jylliew. Te kumta lada u kwah ban aplai, u lah ban leh kumta,” la ong u secretary ka BCCI, hynrei u la kyntait ban wanrah da u coach uba nabar ri.
“Ngin ym la ban rai na ka bynta u coach uba thymmai u ban dei na India ne nabar ri. Kane kan shong ha ka CAC, bad ngi long ka Synjuk kaba paw ha ka pyrthei,” la pynpaw kat kum ka kyrwoh ba ka BCCI.
U Shah u la ong ba ym shym la don ka jingthmu ban wanrah ïa ki coach kiba na kiwei ki Synjuk ïalehkai kiba nabar ri.
“Ïa ka rai yn shim da ka CAC. Ki don shibun ki rangïalehkai kum u Virat Kohli, Rohit Sharma bad u Rishabh Pant bad kiwei.”
