New Delhi, Jymmang:
U Myntri Rangbahduh u Narendra Modi u la kynthoh jur ïa ka seng Congress da kaba ong ba ki la ïeng na ka bynta ki lehnoh ha ka jaka ban ai jingsneng ïa ki.
Ha ka por ba la don ka jingïalang paidbah ha Kandhamal ha ka Sngi Saitjaiñ, u Myntri Rangbahduh u la ong, “Ka seng Congress ka la pyrshang ban byrngem ïa ka ri ba ka Pakistan ka don ïa u Atom Bomb.”
Kum shi bynta ban kynthoh ïa ka sorkar Odisha, u Modi u la ong, “Ka Odisha ka la don shibun ki lad ki lynti na ka bynta ki kam jngohkai pyrthei ha kaba ïadei bad ka jingwanrah ïa ki kam pynroi. Bad ki kam pynroi ki la ktah jur ïa ka ïoh ka kot ha ka thaiñ. Ka sorkar jylla jong phi kam don ïa ka mon ban shaniah ïa phi ha kaba ka kam pynroi ka la shah ktah jur.”
U Modi ha ka por ba u la ai jingkren ha ka jingïalang paidbah u la ong, “Ka Odisha ka la tyrwa ïa nga ïa shibun ki jingsngew ïeid bad ki jingkyrshan, ngan sa siew kylliang sha baroh kiba shaniah ïalade bad kiba shakri hok ïa ka ri. Ha ki 26 snem ba la leit, u Atal Bihari Vajpayee u la pynlong ïa ka Pokhran Test kum mynta. Ka jingkhmih bniah halor ka jingtreikam jong u Nuclear ka la pyndap ïa ki nong India baroh da ka jingsngew sarong ha ka pyrthei…kane ka dei ka sien kaba nyngkong ba ka India ka la lah ban paw pyrthei da ka jinglah ban treishitom. Katba ka seng Congress ka la byrngem pynban ïa ki briew lajong. Ka la buh ki jingtieng jingsyier ha ki jingmut jingpyrkhat jong ki nong India da kaba ïai bteng ban ong ba ka Pakistan ka dei ka ri kaba khlaiñ bor ha ka jingpynmih Nuclear.”
U Modi u la kdew shai ruh ha kaba ïadei bad ka Jammu & Kashmir ha kane ka jingïalang paidbah ha Odisha bad ong, “Namar ka jingtlot ki jingmut jingpyrkhat jong ka seng Congress, ki briew jong ka Jammu & Kashmir ki la hap ban ïakhun tyngeh bad ïakynduh ïa shibun ki jingeh ha ki phew snem. Ka India kan ym lah ban klet ïa ki por ha kaba ka India ka la ïai ïakhun pyrshah ïa ki lehnoh bad ki nongïalam jong ka seng Congress ki la shong kli kti ban ai jingkyrshan halor ki kam pyntriem”.
Hadien ka kam thombor kaba la jia ha ka 26 tarik, Naiwieng, jong u 2008, ka Congress ka la shu shong kli kti ha kaba kam shym la buh jingkylli ei ei halor ka jingjia namar ba ka sheptieng ïoh ba ka duh jingkyrshan na ki vote.
Kumba la pynbna la ong ba kane ka sngi ka dei ka sngi kaba khatduh na ka bynta ban pynlong ïa ka jingïalap ilekshon shwa ban pynlong ïa ka bynta kaba saw jong ka ilekshon Lok Sabha.
