Shillong, Jymmang 13
Ka Mawlasnai Sports Club kan pynhap pyrda noh ïa ka lympung ïalehkai E.K Mawlong Memorial Trophy 2023-24 ha ka 23 tarik mynta u bnai ha kaba ka Shillong Lajong FC kan pynkhreh ban ïaknieh ïa ka nam lahduh pyrshah ïa ka Benris FC.
Kane ka jingïakhun final kan sdang ha ka por 1 baje nohphai sngi ha madan ïalehkai ka shnong Mawlasnai.
Kum ban shu pynkynmaw ha ka jingïakhun semi final kaba la long ha Lber mynta u snem, ka Lajong ka la lah ban pynliem noh ïa ka Kith United FC lyngba ka tie-breaker da 5-3 kol. Ha ka semi final (1st leg) ka Kith United ka la jop da 2-1 kol, hynrei ha ka 2nd leg, ka Lajong ka la jop da 1-0 kol na ka bynta ban ïakhaid mar 2-2 (aggregate).
Ha kawei pat ka jingïakhun semi final kaba ar, ka Benris ka la jop da 1-0 kol ha ka 1st leg bad ha ka 2nd leg ka la jop da 2-0 kol.
Kat kum ka kyrwoh la ong ba ka bai rung na ka bynta ki paidbah nongpeitkai ban sakhi ïa kane ka jingïakhun kan long T. 150 marwei. Ïa ki tiket rung yn pynkhalai nusib ha kaba nongjop yn ïoh ïa ka song pisa kaba T. 50, 000, ba wan ba-ar yn ïoh T.5000, katba kiba wan balai haduh ba hynñiew kin ïoh mar T. 1000.
