Shillong, Jymmang 13
U MLA ka 13-Mawryngkneng Constituency, u Bah Heavingstone u la leit ïakynduh ïa Myntri ka tnat ïalehkai ka Sorkar Jylla u Bah Shakliar Warjri ban ïakren halor ki madan ïalehkai phutbol kiba donkam ban pynbha bad ban marammot ha Sohryngkham.
Utei u nongmihkhmat ïa katei ka thaiñ u la ai ruh da ka jingthoh sha u Bah Shakliar halor u Samborlang Rynjah ba la ju tip kum u Jr Martinez, ba ka Sorkar kan kner lem ka kti jingïarap na bynta une u khynnah uba la paw nam ha kylleng ka pyrthei bad uba la shah khot ban leit shah pyntbit sha ka shlem ai jinghikai jong ka Minerva Punjab Football Academy.
Na ka liang utei u Myntri u la ïathuh ïa u MLA ba u la dep ïakynduh ïa u Samborlang Rynjah bad u la ai ka jingkular ha u MLA ba na ka liang ka jong u, un sa leh kaba donkam halor kane ka bynta.
