Srinagar, Jymmang:
Ka heh nongïalam jong ka seng People’s Democratic Party ka Mehbooba Mufti ka la phah da ka jingthoh sha ka Election Commission na ka bynta ban phah sangeh noh ha kaba ïadei bad ki jingshah leh donbor bad ki jingkem beaiñ pyrshah ïa ki nongbud jong ka seng.
Ha ka shithi jong ka ba la phah sha ka ECI, ka Mufti ka la ong, “Ka la pynlong ïa nga ban ithuh ba ki bor synshar, ki la don hapoh ka jingshah tehlakam ha ka sorkar kmie, kane ka dei ka jing-lehraiñ halor ka jingdon jingthmu ban byrngem bad pyntieng pynsyier ïa ki nongthep vote bad ki nongkyrshan jong ka seng People’s Democratic Party. Nga da sngew ïakynduh jingeh shibun haba nga ïoh jingtip ba ki kynhun jong ki shipai ïada ki la pynlong ïa ki jingleit khynra bad pynibor pyrshah ïa ki nongbud jong ka seng PDP ha Pulwama bad ha Shopian distrik. Ki dkhot jong kiba bun ki seng, ki la don ka jingsngew na ka bynta ki nongbud jong ka seng kiba la shu shahkem beaiñ, bad shah pynshitom halor ka jinglah jong ki ban pynlong ïa ki jingïalang paidbah bad ban ai mynsiem ïa ka jingmih jong ki nongthep vote.”
“Kum ki nongkyrshan jong ka synshar paidbah, ka Election Commission ka la dei ban lah ban leh ei ei ha kaba ïadei bad ka jingai laitluid na ka bynta ban pynïaid shakhmat ïa ki jingpyntreikam halor ka kam ilekshon na ka bynta jong baroh ki seng saiñ pyrthei.
