Shillong, Jymmang 15
Ka SCA ‘A’ ka la ïoh jingjop ha ka lympung ïalehkai Women’s League ba la pynïaid da ka Shillong Cricket Association, hadien ba ka la lah ban pynliem noh ïa ka EWDCA da 7 run lyngba ka DLS method ha ka sngi Balang.
Ha kane ka jingïakhun kaba la long ha madan Polo, ka EWDCA ka la kam trai ban tied nyngkong ha kaba ka la kamai 65 run bad shah pynhap 3 wiket. Ka Daïaka ka la tied 21 run na ki 20 bol bad ka Silda ka la ïoh 17 run na ki 18 bol. Katba ka Solina Jaba bad ka Neelam ki la shim mar 1 wiket na ka bynta ka SCA ‘A’.
Hynrei hadien na ka daw ka jingshah pynthut ha u slap la pynduna noh sa tang 5 over ha kaba ka SCA ‘A’ ka la lah ban kynjoh sha ka thong da kaba kamai 38 run bad shah pynhap 1 wiket. Ka Rubi ka la tied 14 run na ki 18 bol bad ka Neha Hajong ka la ïoh 13 run na ki 13 bol. Katba ka Deiphi ka la shim 1 wiket na ka bynta ka EWDCA. Ïa ka nam Players of the Match la khur da ka Solina Jaba.
