Shillong, Jymmang 15
Ka shlem treikam u District Sports Officer (DSO) Ri Bhoi kan pynlong ïa ka lympung ïalehkai phutbol na ka bynta ki khynnah skul ba la tip kum ka District Level Inter School Subroto Cup Football Tournament 2024 naduh 11 tarik u Jylliew mynta u snem.
Kane ka shlem treikam ka la wer ïa ki skul kiba don ha Ri Bhoi ba kin wan ïashim bynta ha kane ka lympung ha kaba yn phiah ha ki lai tylli ki kyrdan ïalehkai kata ka U-15 ki shynrang, katba ka under-17 ka dei na ka bynta ki kynthei bad shynrang.
La ong ba ka tarik kaba khatduh ban pdiang ïa ki form kan long ha ka 3 tarik u Jylliew, katba ka jingkhmih ïa ki rta ki khynnah kan long ha ka 6 bad 7 tarik u Jylliew. Ïa ki form lah ban ïoh na katei ka thlem treikam ha ka por long trei.
