Shillong, Jymmang 15
Ka Nongthymmai Sports & Cultural Club, Shillong kan pynlong ïa ka jingpyrshang (trials) ban jied ïa ki rangïalehkai na bynta ka Shillong Premiere League 2024, ha ka 17 bad 18 tarik mynta u bnai ha madan Nongthymmai.
Kane ka prokram kan sdang naduh ka por 9 baje mynstep ha ka 17 tarik bad 10 baje ha ka 18 tarik. Kat kum ka kyrwoh la ong ba ki nongïalehkai kin hap ban wanrah la ki jong ki tiar ïalehkai bad ïa ki jingtip kiba bniah ki nongïalehkai ki lah ban phone ha kine number 8787690428, 98630-91116 & 9774107329.
Kumba ka paw ka Nongthymmai kaba la long kawei napdeng ki phra tylli ki kynhun kaba ïashim bynta ha ka SPL 2023 kam shym la shah pynhiar kyrdan wat la ka la wan ha ka kyrdan ba shatrai bad kamai tang 3 point na ki hynñiew sien ïakhun.
Kumta ha ka aïom ïalehkai 2024, ka jingdon ki kynhun kan kiew noh sha ki shiphew tylli kynthup lang ïa ka Laitkor SC bad ka Nongrim Hills SC kiba la ïoh rung na ka First Division jong ka aïom ba la dep.
