Shillong, Rymphang 16
Ka Upper Shillong Sports Social & Cultural Association (USSSCA) kan sdang noh ïa ka Under-15 Football Tournament ha ka Sngi Saitjaiñ (18 tarik) ha madan ïalehkai phutbol Nongumlong ha ka por 1 baje janmiet.
Ha kane ka sngi u President rangbah jong ka seng u Bah E. Kharkongor un long kum kongsan bad u Rangbah Shnong jong ka Nongumlong u Bah R. Nongneng Daloi un long kum u symbud kongsan.
Kat kum ka kyrwoh la ong ba ka Nongumlong SC kan ïakhun pyrshah ïa ka Pyrda FC ha ka por 1 baje nohphai sngi. Hadien kane yn pynbud sa ka jingïakhun hapdeng ka Doccan FC pyrshah ïa ka Nongpiur SC ha ka por 2:30 bad ka jingïalehkai kaba khatduh kan long hapdeng ka Umlyngka SC pyrshah ïa ka R.I.H FC (Lumpdeng) ha ka por 4 baje janmiet.
