Bengaluru, Jymmang:
Ha ka por ba dang don hapdeng ka jingpynlong ïa ka ilekshon Lok Sabha ha ka ri, u Myntri Rangbah jong ka Karnataka u Siddaramaiah u la kynthoh jur ïa u Myntri Rangbahduh u Narendra Modi ha kaba u la ong ba u la pyrshang ban phiah ïa ki briew jong ka Shatei bad Shathie ne jong ka bynta kaba shaphang Shatei bad Shathie.
Ha ka jingpyllait khubor jong u ha ka rynsan phah khubor ka X, u, Siddaramaiah u la thoh, “Tang namar ba ka ilekshon ha ki jylla ba shaphang Shathie ka la kut, u Myntri Rangbahduh u bym ju sngewnguh mynta u la pyrshang ban phiah ïa ki briew ha ka bynta kaba Shathie bad Shatei da kaba thombor pyrshah ïa ki briew kiba na ki jylla ba shaphang Shathie.”
U Siddaramaiah u la ong shuh shuh, “Ngi la kham khmih bniah ïa ka Karnataka kum ka khun kynthei jong ka India. Ka India kam ju thom da ka bor pyrshah ïano ïano, hynrei ki briew kum u Modi ki la ai bih.”
U la kdew shai da kaba ong ba u la sngewsarong halor ka jinglah ban burom bad wanrah ka jingïadei bad ki briew na man ki jylla.
Hashwa kane, u Siddaramaiah u la kynthoh jur ïa u Myntri Rangbah jong ka Maharashtra u Eknath Shinde uba la ong ba ka sorkar Congress ha Karnataka kan sa khyllem noh hadien ka ilekshon Lok Sabha.
U Myntri Rangbah u la ong ba ha ka jaka ban kren shaphang ka jingkhyllem jong ka sorkar, u Shinde u la dei ban ïada ïa ka sorkar jong u na ka jingkhyllem.
U Myntri Rangbah u la ong ba ki jingkren jong u Shinde ki paw kumba u leh kam saiñ pyrthei. U la ong ba ki bynta kiba ïadei bad ki kam saiñ pyrthei ha Karnataka ki sngewïahap bad jied ïa ka Congress.
U Symbud Myntri Rangbah jong ka Karnataka u la pynshisha ruh da kaba ong ba ka seng BJP kam ju pynurlong ïa ki jingkular jong ka sha ki paidbah.
