Tokyo, Jymmang:
Katba ka Japan ka dang ialeh shitom ban kyntiew ia ka ioh ka kot bad ka roi ka par, kane ka ri ka la ialeh ruh katba lah ban pynrung kam shipai ia ki kynthei bad ban ai bor ia ki kynthei khnang ba kan iarap ban kyntiew bad pynkhlaiñ ia ka ri ha ki liang baroh.
Namar ka jingjur palat jong ki jingjia shah leh-bor bad ki jingjia thombor pyrshah ia ki kynthei, ka jingdon jong ki kynthei kiba pyniasoh ialade sha ka kam shipai Self-Defence Forces (SDF) ka la hiar haduh kumba 12% ha kine ki snem ba la leit katkum ka kaiphod ba la buh jingkheiñ haduh kaba kut jong u Lber 2023.
Namar la ong ba ka jingshah leh bor jong ki kynthei ka pynlong ia ki ban kiar noh na katei ka kam khnang ba kin lait na kum kitei ki jingjia kumba ki ju sakhi na ka por sha ka por.
