New Delhi, Jymmang:
Ki seng ka liang pyrshah kumba la sakhi, kim ju pynïadei ne pynïajan bad ki samla ha kaba kim ju lah ban leh eiei na ka bynta ban wanrah ki jingkylla ha ki jaka ba ki bat ïa ka jingsynshar, la ong u Myntri Rangbahduh u Narendra Modi.
Ha ka jingïakren bad u Editor-in-Chief jong ka NDTV u Sanjay Pugalia, u Myntri Rangbah u la kren shaphang kiba bun ki mat, kynthup ha kaba ïadei bad ka jingpruid lynti na ka bynta ka lawei, ka jingkhmih bniah halor ka leit ka wan, ki jingthmu jong ka seng BJP ha kane ka ilekshon kaba dang ïaid shakhmat jong ka Lok Sabha bad ki rukom pyntreikam ban pynïadei bad kiwei pat ki ri ka pyrthei.
Kum ka jingai jubab halor ka jingpynshisha jong ka jingbym don ka jingthung kam, u Myntri Rangbahduh u la ong ba ki la don shibun ki lad ki lynti ba la wanrah ïa ki lad aikam-aijam sha ki nongwad kam kiba mynta bad ki ban sa wan hapoh ka jingtreikam ka sorkar jong u bad ki la don ki jingbuh jingkheiñ halor kane kiba la don ha ki bynta bapher bapher ban pynshisha halor ki jingkynthoh.
U la ong ba ki la don kumba 6 klur ki kam ba la lah ban pynmih ha ki 6 haduh ki 7 snem hapoh ka jingsynshar jong u.
Kum shi bynta ban kdew shai halor ki Project jong ka jingpynbiang ïa ka leit ka wan ba la leh da ka sorkar jong u, u Myntri Rangbahduh u la ong, “Ka bynta kaba nyngkong ban tip ka long ba kum kine ki kam la leh khlem ka jingkyrshan jong kiwei pat ki nongïalam ne kiwei pat ki kynhun ba shabar ka sorkar. Tang ban shu pynlut ïa ka pisa kam mut ba ïa ka surok la shna ne trei tang namar ba la pyntreikam ïa ka jingtreikam da kaba pyndonkam bording ha ki lynti rel. Phi donkam ka jingïarap jong kiwei pat na ka bynta kata. Kaba mut ïa ki lad aikam aijam la wanrah. Ngam pat ïohi kano kano ka mat ba shisha ba ki seng ka liang pyrshah ki kren halor ka jingkyrduh kam.”
U Myntri Rangbahduh nalor kiba bun ki jingkren jong u halor kiba bun ki mat, u la ong ba ka India kan sa long ka nongïalam ha ka ri bad hapdeng ki samla kiba don ha ka rta kaba 20 bad 22 snem khnang ban pyni ïa ki lad ki lynti na ka bynta jong ki baroh.
