Cairo, Jymmang:
Ka kynhun lehnoh Islamic State (IS) ha ka Sngi U Blei ka la shim jingkit khlieh halor ka jingjia thombor ha ka phang pdeng jong ka Afghanistan hapoh ka nongbah Bamiyan kaba la jia ha kine ki sngi ba la leit, ha kaba 3 ngut ki nong Spain ki la kylla ‘langknia bad duh ia ka jingim ha katei ka jingjia kumba la pyntip da ka tnat kam bar ri jong ka Spain ha ka Sngi Thohdieng.
Kumta, ka tnat kam poh iing jong ka sorkar Taliban kaba synshar hapoh Afghanistan, ka la pyntip ba ki bor pyniaid ka Taliban ki la ioh kem noh ia 4 ngut ki suba don kti ha katei ka jingjia bad ka jingtohkit bniah kan dang iaid shakhmat tad haduh ban da lap ia kiba don kti ha katei ka kam baroh.
Namar la ong ba ka Bamiyan ka long ka iing na ka bynta ka pyrthei UNESCO bad ka long ruh ka jaka kaba don ia shibun bah ki mawdur ‘Buddha’ hynrei kiba la julor lut namar ka jingjur ki kam thombor jong ki lehnoh Taliban naduh ki snem 2000 mynshwa.
